瀨戶內國際藝術祭2019 系列回顧 - 豐島 針工場
2021-06-08
0
54
離開豐島橫尾館, 步行去針工場要十分鐘, 雖然當日太陽有少許猛烈, 但條路好行, 可接受。
唔知點解, 針工場三字令我聯想上海世博英國館個鮑魚刷頭, 哈哈。
針工場會址原本真係一間製針工場, 後尾行業式微荒廢咗。事實上, 你去到針工場係見唔到針, 反而見到一啲造船工具, 同一隻半製成品嘅船。
整個針工場最特別反而係入口位, 藝術家用拼貼嘅方法將一啲金屬部件拼貼形成特色牆。
針工場內有個草坪, 草坪內有一間咖啡館, 不過無論係我哋去當日或者朋友去嘅日子都係冇開。
